Minta lalu nuan deka diberi...

USM, Tekun- ba tiap ari empat dia bala kami ari PKA bisi ngaduka gempuru sampi, dia aku meda bala menyadi dalam kristus balat ngembuan pengerindu besampi. Sampinya dalam orang kristian sigi baka kitai ke bejaku enggau pangan diri. Tuhan rindu ninga bala nembiak ya besampi minta ari iya. Taja pan Tuhan ulih meri ke kitai semua utai enggau nemu utai ti deka di pinta kitai tang Tuhan deka ka kitai empu minta ari Ya. Kami ari PKA besampi ari ati ti balat beban ka raban nembiak diatu kelebih ya awak ka Tuhan muka jalai endur sida ulih ngelala pengerindu Tuhan. 


Kami bisi 7 iko maya nya, dia kami diau ngenduh lalu ngembaruh ka diri datai semak ngagai Tuhan. Aku ngasai ka pemisi Roh Kudus Tuhan endang semampai enggau kami sampai ke leka sampi ka penudi ya. Kami besampi ka Menua, USM, Parlimen Mahasiswa, Bala Ketuai, enggau sampi pinta ari PKA empu. Tuhan endang manah.


Baka ke saritu aku ngasai ka balat bendar diberekat ka Alllah Taala, keterubah ya semua nya ari leka sampi magang. Lebuh maya malam ari tiga nya kami duai menyadi dalam kristusku iya nya kaban cina aku ti sam apercaya sama besampi dalam bilik aku. Aku minta Tuhan nulong aku laban aku balat suntok dalam duit aku. Dalam bank BSN mina tinggal 47.50 da...sapa enda tusah ati..bakani belanja makai aku? sid aindai mina ngirumka aku ujung bulan tok aja lalu PTPTN udah abis. Naka meh enti nadai duit diau di menua orang. Nenemu aja meh lebuh besekula tok semua minta duit magang. taja pia pengarap aku mina ba Allah Taala aja, aku enggau ati ti percaya ya deka nulong aku. Enda mukai2 orang bisi ngetok pintu aku lalu madah ke aku bisi bulih duit laban ari mantu sida ngaduka research ari sekula pramasi. Maya ya bisi siku kaban aku ngadu ka research pasal pengerai, lalu sida bisi bertanya ba aku. Tuhan nya sigi nemu aku suntok lalu ari ya, Tuhan meri aku belanja. Terima Kasih ka Allah Taala. Maya sebedau nurun ke Tekun besampi tadi aku mega bisi ngelawa dua siko melaki bini, iya nya uncle Jakop ti pelajar taun satu ba sekula seni, ya diau enggau bini ya ba rumah ruang bilik. Kami duai kaban aku ngambi awak besampi ka duai lalu merekat ka duai enggau leka peransang lalu nulong ya meli cat kena ya ngelukis.


Dalam seminggu tok, aku balat ngasai ka pemanah Allah Taala. Pi mega bala menyadi teruska besampi ngagai aku, awakka aku mujur dalam pelajar enggau pengawa mela aku ba USM ditu. Kelebih agi diatu aku udah dipilih nyadi siku AHLI PARLIMEN MAHASISWA, aku ngasai amat besai tanggung pengawa aku ba ngereja utai tok. Tuhan berika aku pemerti ati enggau pengelandik begulai enggau pupu bansa. Aku nadai pengering enti enda Tulong Nuan APAI. Awak ka pengerindu Allah Taala enda kala pungkang enggau kitai. Lalu pengerindu ya baka embun pagi datai ngusung kitai maya pagi datai baru, semian kitai aja ti patut ngiga mua YA..