My Testimony

Saritu tu aku di ingatka sekali baru bakani pengerinduTuhan ti terubah dalam pengidup aku. Sebedau aku ngelala pengerindu Tuhan nya nyata dalam idup ku, pengidup aku sigi nadai entu mayuh pemujur. Cerita ya baka tu, ari kelia aku tok ukai orang ti rajin nurun sekula, ari sekula pemerie aku kala badu sekula maya taun dua laban rindu ka pengawa mandi ka sungai lalu enggai sekula. Tambahka mega maya nya aku enda rinduka pengajar ke ngajar laban manggah lalu selalu ngekung pala sereta bisi anak cikgu dalam kelas kami ya gak gemuk lalu selalu ngacau orang...nya meh aku enggai sekula. Taun tiga aku masuk baru sekula tang enda mukai -mukai masuk ge kelas pemulihan dah nya taun empat baru aku nemu maca enggau nulis enggau lancar. Taun enam aku bulih pemutus UPSR 1A 2B 1C. Pengidup ari sekula pemerie berubah ke sekula secondary maya form satu aku rajin sekula suba, tang form dua mayuh ulah aku lalu numbur selalu ja bulih nanchang tali perau. Maya form Tiga aku manah ge nya meh mujur gak dalam peresa PMR 1A 7B 1C. Ulih gak tama from 4, lebuh maya form 4 meh aku mayuh ulah lalu enggau orang nyadi keruk ( punk) tancut digaga sesendat ba ujung tanchut , baju enda di tag-in, mayuh lah macam ulah selalu ka belaya enggau nadai ngembuan jaku ti bebasa ka orang. Nadai rinduka pengajar, nadai rinduka belajar enggau selalu enda datai sekula , pia mega kerja rumah enda digaga. Tak naka naka meh ulah aku suba nya meh selalu numbur enchit dalam peresa. Pemutus SPM aku pasut nak meh penjai ya, mina ke bulih 3 kredit aja.

Dalam pengidup kami sebilik mega nadai pemujur mayuh endar penekul mayanya, indai aku selalu aja sakit berubat kia kia. Pia mega apai aku selalu mega belaya enggau indai aku. Maya nya aku udah enggai bebasa ka apai enggau indai aku agi. Pia mega aku nadai suasana belajar ba rumah laban apai enggau indai aku enda nemu macha lalu nadai orang ulih meransang aku belajar enggau rindu ka penemu. Mayuh agi utai temu aku nya pasal bemain, nginti, mesit, main senapang kit, main tikau selipar, main gulie, main basikal , mandi ai sungai ...apu mayuh nedar pemerindang deh..ukai baka urang kemaya ari tok main game ke mayuh.

Pengudah pemtus peresa SPM aku bangat tusah ati natika bakani pengidup aku enggau pemutus peresa ti enda manahnya bakania aku ulih bulih pengawa ti manah. Lelebih agi maya form 4 dulu suba tunjuk kiba aku ke jari penunjuk udah putus laban kelalu mancal main senapang kit lebuh maya ka ngaga peluru. Begau orang Skrang ning akau putus tunjuk. akai dai naka pemedis....

Bakani aku tau nemu jalai ulih ngubah pengidup aku? Lebuh aku udah kena putus tunjuk nya aku besampai ngagai Tuhan , tapi aku enda pasti betul ka enda sampi aku tadi. Sebedau tok kala ga ge gerija tang maya krismas ja, nya pun nitihka orang aja. Enti nemu enggau silik sigi nadai. Maca Bup Kudus ( BIBLE) pun enda kala. jauh ke nemu pasal Jesus enggau silik. Taja pan bakanya kau nguji besampi enggau Sampi Tuhan Jesus," Apai kami Di Serega" lalu dah naya aku nyebut aja nama asai ati ku. Siti sampi aku maya nya " Aku besampi minta Tuhan muka jalai sereta endur aku ulih belajar ka jaku ya. Tuhan muka jalai ari siku kaban aku ti be nama " Ago" ( ukai nama ti bendar) dia ya tu siku orang ti balat ngirup, bebukut, nujang sigat sereta mayuh ulah ti enda menyana di kerja tudah tang pengudah ya nitih ka Tuhan pengidup ya diubahka ulih Tuhan lalu nyadi siku mensia ti menyana. Terubah kaban aku nya ngelala Tuhan ari siti Ken Gerija " Pengidup aku di Kangau ka Nuan" Gerija Pengadang Kuching. Ari visi ti dlam ati ya ya ngadu ka siti Youth Servis di menua kami tang penemu ya mula di terima bala orang tuai tang nya kelama sdia ketuai enda setuju laban sida enda ulih neriam cara ti baru nyembah Tuhan enggau belagu main jita enggau belajar ka bup kudus enggau silik. Laban adat gerija ti lama sigi lebihkan pantun enggau ritual ti patut dititih. Youth kami nya dikumbai AYF.

Bakani aka ulih ngelala Tuhan Jesus lalu neriam ya nyadi Tuhan enggau Juru Selamat aku secara peribadi? terubah aku ngelala ari siti buku ti kumbai " Heaven is so real" lalu bakanya mega aku maca bup kudus sambil maca bupnya. Aku besampi nerima Jesus ari bukunya maya ujung taun 2006 ( maya form 5) pengudah aku ngelala ya dia aku " besampi minta Tuhannya nunjuk ka aku jalai dini Gerija patut endur aku sembiang lalu belajar ka jaku Tuhan ennggau lebih dalam". Tuhan muka jalai lalu aku tetemu ka siti Gerija ti ngajar pasal jaku Tuhan secara exposisi ianya ari bab ke bab enggau bisi pengembalaan. Aku mula kerja di Sri AMAN lalu diau di Sri aman pengelama Tiga bulan. Aku diau di Gerija Hope Sri Aman, dia meh aku dilatih enggau di ajar pasal jaku Tuhan engagu pengerindu Tuhan. Terubah pengibun aku suab ti mayuh ngajar aku iya ya Chang ( ukai nama ti bendar) siku cina campur iban. Iya cukup manah enggau aku. Lebuh maya nay aku sedar aku mayuh udah ngadu penyalah lalu dosanya udah ngejauhka aku ari berekat Tuhan dalam pengidup aku. Aku bersai deka sekula baru laban kerja tok susah amat enti nadai pemandai. Dia aku bepasa enggau besampi awakka Tuhan muka jalai awakka aku ulih nampung pelajar aku baru. AMAI PUJI TUHAN AKU, aku diterima masuk form 6 taja pan second intack, aku enda pecaya aku ulih tama laban result aku naka ya penyai. Aku meri besai terima kasih ka Tuhan laban udah meri peluang kedua agai aku. Aku terubah ya suba mayuh bala pengajar ngemeli ka aku ti deka sekula baru " nuan ngemalukan sekula ja enggau pemutus peresa SPM kita suba nemu kita kita tok meh paling jai di Sarawak pemutus peresa" ko Pengetua DR.L, pia mega siku cikgu madah" Lapa enda tama Kolej ja " siku da madah " lapa nuan kitu baru, leju meda mua kita". Naka meh pemedis ati aku tang aku besampi aja ngagai Tuhan awak ka meri aku pengering lalu ngampun sida.

Sekumbang form 6 aku balat mujur dalam sekula laban aku bisi motivasi deka belajar laban ari Jaku Tuhan ti balat meransang aku. Pengudah aku masuk Form 6 suba, aku terus badu kerja di Sri Aman, tang pemulai aku ari Sri aman aku mai siti visi ari Tuhan numbuhkan Care Group di menua kami laban aku balat ngasai ka kami di menua perluka Tuhan nya ngubah pengidup bala Iban di menua. Arinya aku lalu mai bala ti lama enggau AYF suba beserakup baru. Kami lalu numbuhkan CG skarang tang enda mukai mayuh semayuh bala tingkil, mina mimit aja kami tinggal ti beamat-amat . Kami di bantu ari Hope Sri Aman lalu terus mansang semansang dalam Tuhan. Mayuh pengawa nyelai Tuhan nyadi kelebih agi indai tuai orang digeraika ari sakit enggau mayuh pemujur ngeritka injil ba menua kami. Amat besai pengawa NUAN TUHAN. Ba sekual aku mujur berari, Tuhan balat merekat aku dalam pelajar aku nyadi pelajar top 3 dalam Form 6. Maya pemutus Result Form 6 pansut aku nyadi BEST STUDENT ba sekula aku enggau peringkat Daearah Betong mega. Enda aku nyangka. Tuhan nya balat meri Pemujur ka aku, SEMUA IYA datai ARI KUASA TUHAN JESUS. Aku nadai kala mujur aku nadai kala lantang enti enda saup Iya. Diatu aku nampung pelajar aku ba USM semster ketiga. Pengawa Tuhan majak nyadi di Menua Penang ditu. Pia mega Indai aku ti selalu sakit udah gerai laban ya udah neriam Tuhan, taja sakit mimit tang ya enda raya baka ya dulu suba. Kami sebilik majak senang enggau lantang pengudah ngelala Tuhan. Taja apai aku mina mutong Getah tang ba pasal duit kami nadai kala kurang tau ka enda makai. Taja aku ke sekula tok mayuh beguna ka duit tang aku nadai pengirau laban aku nemu Apai di Serega udah nyediaka aku.

Di USM aku ngasaika Pengawa Tuhan majak besai, ditu aku naka ulih maie bala iban sembiang lalu ngiga Tuhan. Lelebih agai mayuh bala kitai Iban diatu enda kelalu kiruh ka pasal pengarap, nya meh mayuh sida nadai temu tunga. em..Tuhan kasih bangsa aku bai bangsa aku pulai ngagai nuan. Sebedau penatai nuan kedua kali Tuhan awakka SELURUH Menua kami iban udah ninga Injil Nuan. O..Tuhan enggau ai mata aku bediri negi ka bangsa kitai Iban. Sebedau Bangsa Orang bukai di kemenangka awakka bangsa Iban dulu, ari bangsa diri dulu di adu ka enggau manah. Baru kitai sedia ka mela orang bukai mega. Aram kitai belagu muji nama ya. HALELUYA.

Ba Tahun  2012 aku tembu belajar ba USM. Udahnya aku gawa ba Utusan Sarawak kira ka setahun kenya mya 2013 . Lalu bulih gawa ba MPOB ba tahun 2014 sampai ka diatu. Puji Tuhan aku enda enggau orang menggangur lalu Tuhan selalu ninga ka sampi aku. Mayuh mujizat nyadi sepanjai aku ngelala ya.

Ba Tahun 2016, ujung bulan 10, tok meh detik permulaan baru aku dalam pengarap aku. Ditu aku niki ka agi level pengarap aku. Aku balat endar sakit ba tahun tok biai 2 kali amsuk hospital lalu enggai gegerai. Mujur aku tertemu ka team pendo syafaat ba Gunung Doa Miri. dia meh aku ngasai ka balat digraika Tuhan. Mayuh mujizat nyadi peda aku. 
b   
      Ba tahun 2017 aku ngelengka ka ajaran yang agi terikat enggau taurat baka doa syafaat tok laban kelalu mayuh macam ajaran yang bercampur aduk dalam theology. Aku lalu ngiga pemendar pasal jaku Tuhan aku mayuh belajar pasal Kasih Tuhan. Aku belajar pasal Kasih @ Grace , aku nemu bida perjanjian lama engau perjanjian baru. ari tok ku belajar enda agi nyampur ka pengajaran mix theology. aku mayuh fokus ngagai kasih Tuhan aja. lalu aku mayuh macha buku ari Andrew Wommack enggau ninga khotbahan Joesph Prince. Tang semua nya enda ulih nyaut mayuh soalan soalan dalam pikiran lebih agi melibatkan beberapa ayat dalam Bup Kudus akau agi konfius. nyau ba ujung tahun baru ku nemu grace and faith nya kebendar kena orang Israel pindah ari taurat ngagai perjanjian baru Tuhan . Sida nadai agi kena kutuk ari Taurat. Lalu nama kebuah kitai bukai ukai Israel selamat tegal taurat nya nadai agi laban udah musnah ba AD70 laban bait suci udah dirobohkan kediatu tinggal dinding ya aja. Nya ujung aku belajarka Full Preterisme.

P    Puji Tuhan ba 2018 aku terdedah enggau pengajaran yang lebih muka runding aku kelebih agi aku dibantu belajar ari siku pastor pasal ajaran Full Preterisme. Kebenaran Firman Tuhan ke ngelama enda diterangka ba gereja ti nyukung sistem keagamaan aja. diatu pemendaran jaku Firman laban merujuk ngagai Sejarah, Bahasa Asal enggau Garis waktu. Pengudah aku nemu pasal peristiwa kemusnahan Israel ka ditusi ba Matthew 24 enggau bup Pemandang nya nyadi ba AD70 ukai baka penemu sida Futurist madah ka utai nya bedau nyadi. Tok meh langkah pertama dalam pengarap ke dipegai aku bertahun muka kesedaran rohani aku amat amat laban ngelamatok aku salah tafsir laban aku memasukan aku dalam nyadi audience ba Bup Kudus nya seolah olah aku yang hidup ba zaman sida. Udah aku nemu pasal Full Pretresime aku belajar tentang untarian pasal Keesaan Tuhan, udanya aku belajar pasal inclusion. lalu nama pegangan aku diatu adalah aku ba level Full Pretresim, Inclusion, Untarian enggau Grace.

b