Pengawa Nyelai Tuhan nya nyata.

Shalom bala menyadi ti dikerinduka dalam pengerindu Tuhan, Enggau awak ti manah tok aku deka bekunsika cerita pengidup aku bakani Tuhan udah ngerai ka aku ari macham mayuh penyakit. Sebedau nya aku meri terima kasih ka Apai kitai di Serega, Yahweh ti Elohim kitai ti bemulia, ti udah ngaga dunya lalu semua utai ti enseput , Lalu ia mega ngagai anak TunggaL ya Yesus Kristus , lalu disaum ulih pengerindu Roh Kudus.

Tuju aku nulis cherita pengidup tok awak ka nyadi berekat ka semua kitai orang Kristian ba serata dunya, kelebih agi ngagai bansa aku iban. Tuhan sinu ka bansa aku Iban awak ka sida ngelala Nuan sereta meda Nuan enggau mata sida empu. Munyi ti udah ditulis ba Job42:5, awak bangsa aku meda nuan empu Tuhan enggau mata sida empu, tang aku diatu mina nusoi utai ti udah nyadi ba idup aku.
Cherita pengidup aku tok endang mandang ka pengerindu Tuhan ngagai aku lalu semua kitai. Ati aku balat amai terperangsang deka bekunsi ka pemanah mulia Tuhan awakka nyadi berkat ka semua kitai orang ti percaya.

Ba pun tahun 2016 tok mayuh bendar penguji datai ba pengidup aku, malam nyambut 2016 udah ngayang ka enda entu berapa amai maya malam nya, kami sebuat tesat ba madang Nanga Lupak ( KL) . Pulai aku ari menua Nanga Lupak ( KL) enda memukai aku aku kena denggi. 6 hari check inn ba Sepital. Puji Tuhan aku agi idup, lalu gerai ari penyakit denggi. Mujur enda kena demam denggi berdarah.

Ba bulan 5 mega aku dituntong siti agi penyakit ianya sakit puntul perut ( appendix) , benung aku driba ba rantau jalai Selanggau Tatau , pengudahka aku muai undi maya Sarawak bepilih 2016 tok tadi. Puji Tuhan aku sempat natai ka diri ba endur ka gawa. Lalu ditaban ka sepital deka diperutik. Mujur Puji Tuhan aku nadai nenama lalu appendix aku nya enda pecah.

Ba Bulan 7 tok tadi, mega aku kena sakit baru iya nya bisi masalah ati ti rusak enggau bisi tonsilitis ba rekung aku. Enda memukai mega lebuh ka bemain bul ba padang maya bulan 9 aku empu patung mega bisi bekalih lalu bisi bemunyi pop. Naka pemedis aku maya nya. Aku bersai nyelai bendar nama kebuah aku temajak sakit lalu ngasai ka balat puang amat dalam pengidup aku.

Pengudah aku abis bersekula ba USM, lalu mupuk gawa masa aku enggau Tuhan sigi udah jarai amat. Aku berasai udah tepaut enggau dunya. Mayuh macam ulah sereta dosa aku. Kaul air jauh amat nyingkang ari Tuha. ari 2012 ngagai 2016 kaul aku enggau Tuhan balat jarai amat. Aku jarang amat datai ka Gereja , lalu nadai iga meri diri dalam pengawa Tuhan. Ba maya tok, aku baru nyadi orang ti gawa baru megai duit. Duit sigi rua laban enda ulih tetagang ka diri ka bebelanja meli utai. Tang taja pengidup aku berasai timpang nadai entu bisi pemisi Tuhan lalu aku jarang bendar bisi awak macha Bup Kudus enggau besampi. Semua pengawa aku te digaga aku nitihka peneka ati diri lalu enda nanya Roh Kudus dulu dalam semua utai.

Puji Tuhan ba bula 10 taun 2016 tok tadi, aku bertemu enggau siku menyadi dalam Kristus bisi madahka aku pasal pelayanan Gunung Doa Miri, Sarawak Glory Place. Ba ditu aku bertemu enggau siku pastor ti bisi karunia benabi, begenera, lalu ulih muru penyakit enggau bala antu sitan. Baka ke ditulis dalam Lukas 11:20. Puji Tuhan amai amai aku laban , mayuh amai genera enggau pasik ari Roh Kudus  bendar amat silik senentang maya aku ka suba, maya aku kediatu enggau maya aku ke datai. Semua ator Tuhan dalam idup aku balat mai amai. Ditu meh aku beransur gerai pengudah ka meri diri dalam pengawa Tuhan lalu mulaika ka sepuh pengarap dalam Tuhan.

Ditu meh aku belajar bakani aku deka ngafal Jaku Tuhan, belajar ka Bup Kudus, belajar ka Adat Bansa Israel, Belajar ka bakani reti puasa, belajar ka nama reti muru sitan enggau penyakit. Lalu mayuh bendar utai ti pelajar ka aku kelebih agi bakani nyadi siku orang ti besampi ( Pendoa Syafaat). Dalam umur aku nyadi orang Kristian enda kala aku besampi lama lebih ari tiga jam, tang ba ditu aku mayuh diajar bakani besampi sereta nemu utai dikumbai nama reti peperangan rohani tauka bakani kayau matak serang dalam roh. Aku nemu agi nama reti ngintu pengidup ti kudus ti dikerindu ka Tuha. Lalu aku balat bendar teperansang bakani ulih ngena beberapa unsur ti ulih dikena muru sereta meresi ka endur ti kena kacau bala sitan enggau penyakit. Ditu meh aku nemu bakani minyak urapan tauka minyak tata baka ke ditulis dalam James 5:14 ka madah ka pasal ngunsut minyak ba orang ka sakit. Utai tok mudahka pengawa Roh Kudus bekerja.

Pengudah ka sebulan nyau ka dua bulan dalam latih lalu meri diri dalam pengawa Tuhan, aku balat ngasai ka digeraika Tuhan . Amen. Lalu pia mega mayuh bendar karunia karunia tauka pemeri Tuhan dalam idup ku. Tok meh ngasuh aku bala gagit mela Tuhan. Aku kala besampi ka orang sakit, lalu gerai tekala nya. Kadang kadang mina besampi ari talipun mega orang nya digeraika Tuhan.
Mayuh amat pengawa nyelai Tuhan nyadi. Aku bala ngasai ka pemisi Tuhan dalam idup aku. Lalu nya balat meransang aku madah ka pasal pemanah Tuhan ngagai orang bukai mega.

Puji Tuhan Laban Ya endang Amat!!!!!

Terubah aku besampi ba Gunung Doa, aku balat amai ngasai ka pemisi Tuhan , aku meda cahaya ti burak dalam masa sedar ukai mimpi, datai ngagai aku. Lalu madang ka pemisi ya. Aku mina tebelenga ( numb) lalu enda ulih engkebut lalu enda tejaku ka diri. Nyau beketup sima aku. Naka baka tok meh utai ti peda Rasul Paul ti ngasuh ya bertaubat. Pengudah ka meri diri, 17/12/2016 tok tadik aku meri kesaksian ba  Gunung lalu meri jaku peransang pasal Jaku Tuhan. Balat amai aku ngasai ka digerai ka Tuhan lalu siti persiti ari rahsia jaku benabi pandang ka Tuhan ngagai penidup aku. Taja pia  aku enda lari ari penguji.

Jaku Tok balat meransang aku lebuh aku kena penguji, penyakit , enggau pemedis idup tok,

2 Korintus 12: 8-10
Tiga kali aku udah besampika ngagai Tuhan minta penyakit nya dibuai ari aku,
9 tang ku Tuhan bejaku ngagai aku, “Pengasih Aku chukup ke nuan, laban kuasa Aku nyadi pemadu badas lebuh nuan lemi.” Nya alai aku deka lebih agi gaga ati temegahka pengelemi aku, ngambika kuasa Kristus meruan dalam aku.
10 Nya alai ketegal Kristus aku gaga ke pengelemi aku, dipechat, dikeduan, diperinsa, enggau dituntung mayuh macham penusah. Laban lebuh aku lemi, aku kering.


Nya meh kebuah aku meri mulia ka Tuhan, ari aku ti sakit enggau pedis aku ulih meda mulia nama Ya. Ambik ka semak baka Jop enggau Paul tok .


Ba pengujung utai ti ditulis aku tok, enggau bendar aku madah kita ti bisi pending ninga. Laban penatai Jesus kedua kali enda lama agi. Ambik masa endur nuan enggau aku sama belanda napat ka adan kitai dalam pengarap ngulih ka Mahkota Pengidup.

Laban Jesus udah ba mua pintu kita, undang ya datai tama ngagai kita.

Pemadang 3:20-21
Dinga nuan, Aku bediri di mua pintu lalu nekung. Enti orang ninga nyawa Aku lalu muka pintu, Aku deka tama lalu makai enggau iya, lalu iya deka makai enggau Aku.
Orang ke menang deka dibai Aku duduk enggau Aku ba kerusi diraja Aku, baka Aku ke udah menang lalu duduk enggau Apai Aku ba kerusi diraja Iya.


Enti kita beguna ka pengerai ari Tuhan tau ngiga bala kami ba no hp aku 0107780231.
Mujizat Tuhan itu Nyata.

Gunung Doa, Sg. Rait Miri

Shalom,

Ngagai bala kitai ti deka ngambi awak nyadi siku orang ka besampi lalu deka ngiga pemisi Tuhan tau meh kitai datai ngagai Gunung Doa ba Miri ba Sg Rait, ti disebut Glory Place Sarwak.

Ba Gunung Doa tok, iya nya siti Villa ka di empu taukey Mega Hotel Miri , Ya empu meri plan nya nyadi ka endur Gunung Doa endur kudus Tuhan . Mayuh pengawa nyelai nyadi ba endur tok.

Orang sakit digeraika lebuh disampi, mayuh mega genera ( nabuatan) , vision (penglihatan). Indah Siku Pastor Julius Subbe kala ke endur madah ka endur nya deka dikena Tuhan nyadi palan ya.

Aku empu kala kia ngasai ka pemisi Tuhan sigi nyata. Lebuh ka besampi sigi nyerangat bulu peguk enggau jari. Roh Kudus Tuhan sangat kuat ba dia. Puji Tuhan aku tetemu ka endur baka , ulih endur aku merik diri besamppi enggau ngiga mua Tuhan.

Enti kitai deka datai kin, tau ngiga aku . Aku bisi kin seminggu sekali maya ari minggu kedung ka bisi awak. Pasal utai kena tau numpang aku .

Tuhan Merkat.

Bepasa Nabi Daniel Makai Sayur Buah Aja

Shalom. Haleluya.

Elohim

Ba rengat sekali tok aku deka ka bekunsi ka bakani kitai kristian bepasa (puasa).

Dalam pengelama aku nyadi orang kristian , kira ka udah diadaka baru meh ari 2007 suba , ba tahun 2016 bulan Oktober tok tadi aku baru nemu reti bepasa tok chukup besai amat ba kitai kristian.

Ba kitai kristian bisi bengkah puasa baka pasa queen Esther 3 hari 3 malam enda makai enda ngirup, pasa Jesus empu 40 hari enda makai enda ngirup. Taja dalam bepasa tok tau ngambi penjamuan kudus (pemakai pengingat Tuhan) ai anggur enggau roti enda berangi ( ruti paun ta meh).

ba pasa Nadi Daniel tau digaga dalam kadang 21 hari enggau milih utai ka empa, baka sayur bka buah, ikan enggau sup kenya. Kira ka ngenduh ka ngambi asi dulu meh.

Dalam kitai bepasa kitai enda tau mega enda besampi. Pasa tok ukai diet kena ngasuh tubuh kurus, tang ngambik mayuh ka aku masa begulai enggau Tuhan. Kitai belajar beterima kasih ka Tuhan, kitai ngiga suara ya , macha bup kudus, sereta begulai enggau bala kitai sama pengarap dalam pengawa Tuhan baka besampi ( pendoa syafaat) .

Meri terima kasih ka Glory Place Sarawak ke udah meri peluang belajar bakani besampi enggau bepasa tok amat manah ba pengidup semengat aku enggau tubuh aku.

Enti bisi utai ka tanya tau pm aku aja ba no whatsap ku.

Mupuk dulu

Disumanka dalam nama Jesus.

Empai lama tok tadi kira dalam bulan 9 , 2016 aku bisi enggau orang dalam siti KKR ba BEM Batu Niah belajar bakani pelayanan penyembuhan. Dalam training tok bisi ngelatih bala gereja besampi ka orang sakit enggau jaku perintah. Lalu dalam KKR mayuh ngajar pasal kuasa ti diberi Jesus ngagai kitai orang Kristian. Tiap iku kitai Kristian bisi ngembuan kuasa ulih muru antu, ngerai ka orang sakit dalam nama Jesus.

Enti kitai bisi orang ka sakit , ya ka disampi ka tau madah ka admin ba no hp ya.

ditu ku sharing ka utai dipelajar aku sarinya , bahan tok udah diubah ngagai jaku Iban lalu ditusun aku empu.

Enti kitai bisi sakit tauka bisi enda pengerai tau inbox aja ngagai admin.

Sekian Terima Kasih.

Aku enda bejalai ke diri

Ba Tahun 2016 tok balat bendar penguji nuntong aku ba pengerai, tang ketegal pengasih Tuhan serta ngau kasih karunia ya Aku agi idup sampai ka ari saritu. Aku muji pemanah Tuhan laban udah dua kali ngerai ka aku ari penyakit.

Ba pun tahun pengudah kitai ka nyambut tahun baru 2016, kira ka bulan satu tok tadik, enda memukai aku kena sakit nyamuk tauka denggi ko kitai. Enam ari ba sepital apu naka meh penusah ati enggai ka kena demam denggi bedarah laban nya ulih naban ka nyawa. Puji Tuhan darah aku nyau manah pengudah ditambah ka ai. Aku masuk ka Hospital Betong udah nya meda pengerai aku majak enda manah lalu taban ka orang enggau Ambulan ka GH Kuching. Akai dia meh aku meda ka mayuh amat orang ngenat ka pemedis enggau penyakit. Mujur aku bisi pengarap ka Tuhan, ba dalam ati din sapa enda takut meda mensia nyau ka apus seput. Bisi ga nya nyau mengkakai ngenat ka pemedis diri. Naka meh penusah ati bala kaban belayan ya ka ngibun sida dia. Puji Tuhan, aku bisi bini ku ngibun aku enggau bala sida kami sebilik enggau menyadi ka selalu datai ngundang. Pia mega bala kaban aku bisi mega datai ngabas nanya ka berita. Sekumbang ka masuk dalam hospital nya aku ending besampi minta Tuhan ngerai ka aku, lalu aku bebesai terima kasih ka Tuhan laban udah meri siku indu ka manah amat mela aku. Bini aku semampai kiruh mela aku.

Ba pun bulan lima tok tadi , enda mukai mukai ga pengudah PRN Sarawak, otw pulai ka endur gawa, tak benung driba aku pedis perut muak ka sepiak kanan. Akai naka pemedis , endang sigi nyangka diri empu kena Appendix aku. Puji Tuhan dianjung ka hospital BMC Bintulu lalu malam nya aku discan orang, pagi siti lalu dibedah DR dibuai perut puntul. Pengawa ka muai perut puntul nya mujur magang. Aku sigi besampi ka Tuhan nyerah ka seput nyawa ku idup enggau mati sigi ba ya aja.
Puji Tuhan bala ari entua aku bisi datai enggau entua aku empu bisi ngabas kedung aku sakit maya nya . Bisi lima malam aku ba dia, kakak Jess meh ngibun aku iya nya petunggal aku ari sepiak sida apai.

Naka bisi kitai nginga orang kena denggi parai , orang ke appendix parai kan, tang puji Tuhan aku diberik Tuhan peluang idup. Peluang kitai ka agi idup tok meh kitai patut mulia ka Ya. Enggau ba blog tok meh aku bersaksi ka pemanah Tuhan ba idup ku. Tuhan awak ka nuan semampai nyaga ngemataka aku ari semua serangan Rohani, beri meh aku ti ti tetap rinduka Nuan belama. Ba Nuan meh endur aku ngelempai ka ka semua penusah aku. Ba nuan meh aja endur aku meri semua puji enggau mulia aku. Taja aku siku orang ka bedosa enggau lemik aku datai enggau baru ati ensuruk besugang ba kaki nuan nyembah nuan , Nuan enda kala ninggal ka aku.

Pemanah nuan Tuhan enda kala ninggal ka Aku.