Kuasa ari Sampi raban nembiak kemaya ari.

SG. DUA, USM- Ba minggu tok tadi kena ka ari 5, dia PKA( Persaudaraan Kristian Agape) CLC ( Campus Life Connection) enggau LWC ( Living Word Center)  iya CF ti bisi ba USM bisi ngatur pegawa sembiang lalu besampi ka menua enggau bangsa. Aku balat ngasai ka siti beban ti balat besampika menua enggau bangsa ku. PKA kelebih agi ditegika ari mayuh raban pupu bangsa iya kebisi dia, Cina, India enggau Bumiputra Sarawak ti rindu ka agi bejaku dalam bahasa Org putih enggau campuran BM, lalu LWC ke mayuh agi bala Cina ti teleba agi jauk mandrian enggau uhang putih mega lalu kepenudi CLC ngena jaku Bahasa lalu kemayuh agi bala dia ari Sabah lalu ke ya ari Sarawak. Lebuh tiga igi gempuru nembiak kristian ba USM lalu beserakup besampi dia aku balat ngasai ka amat di tegu Tuhan sampi nya sigi amat penting laban kitai ukai ngelaban tubuh enggau mensia tang kitai ngelaban bala antu enggau semengat ti jai ba kemaya ari tok. Dia aku meda penyerakup bangsa nya nyadi, lebuh semua pupu bansa sama besugang nyembah Tuhan.
 Pengerindu Tuhan ka nembiak iya sigi amat lebuh bala nembiak ya datai meremi ngagai iya, lalu aku percaya ba siti ari ila , dia bala raban nembiak baka kami tok di kena Tuhan ngubah menua kitai ngagai Menua ti dikerinduka Allah Taala. Semian ari Jesus aja kitai deka meda penyerakup nyadi. Ari pembaroh ati ti udah ngelala Tuhan lalu dia likun enggau pangan diri. Laban jaku Tuhan bisi madah" Rindu ka menyadi nuan baka nuan rindu ka diri empu"
maya nya kami besampi ka utai ti nekul enggau nanggul ba pengawa mela kami tiga gempuru lalu sama besukung besampika pangan dirii. Udahnya ka besampi ka Menua kitai Malaysia, ka bala ketuai pemegai menua PM, NC, TNC lalu ke bukai, baka Kepala Menteri, ka menua Sarawak mega. lalu ka penudi ka USM empu awak nyadi siti endur pelajar tinggi ti mujur sereta Tuhan ulih ngena USM ngadaka bala nembiak ti ulih meri diri ka menua enggau bansa kelebih agi ngagai sida ti pechaya.
Aku maya nya sigi besampi beamat-amat awak ka Tuhan meda nela sampi kami. Aku besampa dalam jaku iban, Orang putih enggau Bm ta naka ke sebut dia meh...Laban Tuhan kitai ukai Tuhan ka siti bansa tang ke semua leka jaku di dalam dunya tok.
Mayuh bendar uatai ti udah pelajar aku lebuh begulai enggau uhang kristian ti bukai dia aku baru amat meda bakani pengerindu Tuhan nya amat ngelekai ba siku-siku orang ti pechaya. Terima Kasih Ka Allah Taala laban enda ka ngasuh aku kediri. Dini-dini pejalai aku ba dunya tok aku enda ka pungkang laban ulih saup ya aku enda kala kurang. Amen.