Going back is my call!!

              Ba awak tok, lebuh malam sunyi endar nadai di dinga keringgit bujang jauh ari chapu anak mensia, malam nya ka dini ari, Aku berunding ka diri sekali baru laban tok meh sem ka penudi aku di USM. Sebedau aku ninggal ka USM tok, mayuh utai ka dipeda aku berubah. Aku ngembuan beban ka menua diri. Diatu mayuh bala kaban aku bisi ga mutus ati ka tinggal di Penang. Kelebih agi ngagai kami ka taun tiga. Aku enda ngembuan runding ti deka diau di Penang pengudah aku abis belajar tang aku endang bisi ngembuan ati ti deka pulai baru ka menua. Juluk ati ti deka niri negi ka bansa di menua diri endang sigi dipegai aku ari kelia.

             Aku ngasai ka ngemulai ka diri ka menua nya endang siti tuju ti manah lalu endang patut dikerja bala nembiak ti ngembuan runding ti deka mansang ka menua diri kelebih agai ngagai orang dimenua. Bala emnyadi aku meransang kita ka udah sekula tinggi anang lembau mulai ka diri ngagai menua diri empu. Laban enti ukai nuan enggau aku ti ngari ka bansa kitai sapa agi. Engka kitai berunding nama pengawa ka ulih adu ka aku di menua? Ba runding aku endang mayuh utai ulih di adu nya mina bakani kitai berunding enggau bakani kitai bidik ka ngiga pengawa. Enti pasal gaji amai meh di menua orang engka agi besai tang ba aku utai ti pemadu besai iya bansa kitai ti enda ulih dibeli enggau pengaya. Menyadi aku rindu meransang kitai ditu sama meh kitai ngetan ka menua enggau bansa kitai. Enda mega aku nyalah ka bala ti deka begiga ka peluang enggau peneleba ba menua orang tang sekalai segala kitai enda tau enda ingat ka ari ne penatai enggau asal menua kitai.


nya aja,

ari aku: Staring