Semua utai digaga Allah Taala manah Magang.

Ba awak tok aku bekunsika penemu diri, ukai tuju aku deka mantah sapa-sapa tau ka ngarika sapa tang semua tok awak kitai mensia nemu nama kebuah utai tok ulih nyadi bakanya. Lebuh aku berunding ka Jalu Allah Taal lebuh aku macha jaku iya enggau penuh pengerindu dia aku tetemuka jalai dikena mutarka penanggul ti nyadi di menua kitai. Dalam menua kitai Malaysia kelebih agi, mayuh bendar pupu bangsa. Lalu enda semua bangsa dipeda baka sama kelebih agi dalam atur perintah menua kitai, ya ke bumiputra bisi ngembuan pengelebih ba peluang sekeda uati nitih ka atur perintah menua, lalu ya ke ukai bumiputra enda baka bumiputra sida nadai ngembuan peluang ti sebaka. Ngambi ka chunto dalam bala kaban kitai Cina tauka Tambi taja sida mujur dalam peresa tang nadai mega bisi tulong bantu perintah baka bumiputra. Bakanya mega baka parti di menua kitai mayuh bengkah bendar parti ti lebih agi bepun ari tampung pala ti sama bangsa. Aku enggai madah parti ne tauka parti nya awak ka kitai empu meh berunding. Lalu utai tok mega mayuh bendar magi tiap iku raban bansa di menua kitai ari leka jaku, endur besekula, latar pengidup, chara berunding, pengarap, pengawa lalu mayuh bendar meri bida dalam tiap bangsa di menua kitai. Ambik ka banding bansa Melayu mayuh agi bekerja dalam perintah , lalu bansa cina bejula enggau bansa tambi lebih agi ka pengawa merubat orang baka nyadi lutur enagau mega luya. Bangsa dibagi ari pengawa, ba pengarap mega bakanya Islam orang Melayu, Buddha orang Cina, Hindu orang Tambi lalu Sabah enggau Sarawak ya ke bumiputra mayuh masuk pengarap Kristian lalu ditambah bala Cina enggau Tambi mega ka ti arap ka ajar Kristian. Baru baru tok Perdana Menteri kitai meri jaku kangau ngambik ka semua bangsa dalam Malaysia " perpaduan" dalam 1 Malaysia. Kobsep tok enda ng manah laban deka mai " perpaduan" dalam semua bangsa kitai. Aku endang sigik setuju. Tang utai keirau aku semau utai tok bisi kepentingan politik ngagai siti-siti parti. Uji kitai berunding bakani kitai ulih beserakup enti bisi kepentingan parti tauka politik? Tentu susah enda.
Ditu aku berunding sekali baru udah kitai mayuh macam utai ti ngasuh kitai bebida enggau pangan diri, sigik pedis manah kiati deka beserakup endah ari pemakai mega kiati enda sama.
 Nitih padah Bup Kudus nama kebuah kiati bisi mayuh bengkah bangsa? Nama kebuah kitai mayuh budaya? leka jaku? bisi ka enda kini?  arap ambik Bup Kudus kiatai lalu ngerebak ka iya ngagai Pemansut 11:5-9.
Keterubah bangsa bak dunya tok siti bangsa siti jaku aja tang ketegalnya sida ngembuan penyerakup ti rat tegal nya sida naydi siti bangsa ti landik nyau ngujungka sida deka ngelabang Allah Taala niri ka negeri ti tinggi ia nya Babilon. Tang sida dikacirka Tuahn enggai ka sida ngelaban Allah Taala. Lau nyadi meh pupu bangsa. Bakanya meh dalam Bup Kudus madah. Tang uji kitai meda sakali baru tiap bangsa nya di gaga Allah Taala magang endang asal Ari Adam enggau Hawa. Tang sapa ka magi sapa dalam menua kitai? ditu aku madah ka kitai semau tiap mensia nya nadai pengelebih tauka pengurang. Semau kitai asal ari pun ti sama. Utai ka pada ke aku ditu kiati beserakup enggau pangan diri ukai ngena politik tauka utai bukai tang penyerakupnya nyadi lebuh kita nemu pengerindu Allah Taala ngengah Tuhan Jesus. Nama kebuah aku  madah bakanya? ambik Ka banding aku empu enggau bala kaling aku di USM Mayuh endar pupu bangsa, bangsa Cina, tambi orang Sabah enggau kitai Iban ari Sarawak, lebuh semau urang ngembuan Jesus dalam ati senang aja penyekarup nyadi lalu tiap iko orang nyadika Tubuh Kristus. Ba aku empu endang nadai magi apa-apa bangsa aku ngasai ka semua nya menyadi aku magang lebuh Jesus dalam Ati kitai. Pia mega ngagai bala ti enda sama pengarap enggau kitai lebuh Jesus dalam ati kitai nadai nya beleman deka nerima orang. Kitai patut meda enggau kasih ngagai semua orang. Pengerindu ti dalam ari Tuhan nya meri kitai kuasa ngampun pangan diri. Lalu ku meransang kiatai awak ka beserakup enggau pangan diri lalu anang mida orang. Ulih ari pengerindu kitai ka orang, sida deka nemu kiat Murid sapa pia meh ko Jaku Bup Kudus meri pesan.

Terima Kasish ka Allah Taala, ulih Jesus Anak Tunggal Iya ari Saup Roh Kudus ti ngiring kitai. AMEN.