Selamat Hari Krismas enggau Taun Baru.

            Enggau awak tok aku deka meri wish tauka selamat ngintu Hari Krismas ngagai semua bala kaban belayan ti bisi diau semak enggau jauh. Ba Krismas taun tok, aku nadai ulih pulai kemenua laban jadual season akademik kami udah ditukar orang ngagai calender ti baru. Nyadi maya hari Krismas nyadi ka agi study week, taja pia bisi ga bala kaban kitai ka pemisi pulai enda lama ke menua. Laban ka diau di Penang, tambang bilun sigi embar maya ari pengerami baka tok. Tang enda ngawa, taja Krismas di menua orang tenaka bala iban ka bisi diau ditu endang sigi bekumpul enggau diri sama diri. 

            Ba awak Hari Krismas tok sekalai baru aku deka mai kitai mereti ka reti nama kebuah kitai ngintu Hari Krismas, kelebih agi ngagai bala raban kitai orang ti bepengarap kristian. Taja kitai nadai salji, santa claus terebao enggau rusa, kayu krismas tang siti reti ti pemadu besai kitai nya nyambut Krismas nya nyadi ka tanda kitai ngenang pengada Tuhan Jesus datai ti datai ke dunya nyadi merinsa, lalu mati ka dosa ka kitai lalu angkat idup baru ba hari ketiga ngalah ka dosa enggau pemati. Ari pengada Tuhan Jesus tok udah mai pengaga ka dunya lalu arinya kitai mensia udah ngembuan pengarap enggau pemaik ti baru begulai enggau pemisi Allah Taala. Nyadi bala menyadi dalam Kristus, ba hari krismas tok aram kitai sama bela ngira berkat Tuhan ke udah diberika Iya ngagai kitai, lalu ari nya kitai meri terima kasih ngagai Iya.  Mayuh orang salah pereti ba reti Krismas tok, ke bendar hari nyambut Krismas nya ukai disambut ba 25 Dissember, enti nitihka sejarah dalambup kudus maya Maria enggau Josesp datai nemuai ngagai Bethelmen maya nya bedau salju nurun, taja baru ka musim chelap. Reti nya tarikh 25 nya nyadi hari Krismas, hari krismas nya lebih diretika ka ba pengidup kitai iya nya nerima pengada Jesus empu dalam ati, tubuh, enggau semengat kitai. Krismas nya tau disambu kitai ninting ari, laban nya reti ka tanda kitai nerima Jesus dalam pengidup kitai besahari-sahari.

          Kira naka nya dulu aku nusi reti Krismas, tang ba diri aku empu Krismas nya lebih ka pengawa ngintu diri enggau manah dalam pengarap, kelebih agai maya kitai nerima berkat ari Allah Taala ulih anak iya Jesus Kristus. Ambik awak tok enduru kitai begulai enggau diri sebilik nusi pemanah Tuhan sepanjai tahun 2011 tok tadi. Nyadi enggau jaku ka penudi ari aku, Selamat Ngintu Hari Krismas 2011 enggau Taun Baru. Awak berkat Allah Taala nurun ngagai kitai, lalu kitai nyadi ka berkat ka semua orang. Haleluya Puji Tuhan.

Semester 5 ba USM ( cerita ngelansa)

          Meri Puji enggau basa ngagai Iya ti pemadu bekuasa Allah Taala ti pegaga semua mensia enggau semua utai di dunia tok., ulih Iya aku nyadi kering enggau bepenemu. Jako Dalam 1:7..lebuh kitai nya ngasi ka Tuhan, Iya deka merekat ka kitai ngena penemu ti dalam enggau pemandai. Terubah iya aku semina deka ngelansa mimit ngenang pengawa ke udah nyadi ba semester 5 tok. Mayuh amat utai ti baru ti diasai ka aku lalau mayuh pekara ngajar aku reti pengidup. Ba semester tok, aku balat ngasi ka mayuh endar pengawa enggau mega ngasai semangat deka nurun sekula balat berubah. Selalu aja mansal diri nurun ngagai kelas. Tang enggau pengering ti diberi Tuhan ulih mega aku datai berapa iti kelas. nya pan semadi.


            Ba semester tok aku enggau rumate aku lebih rapat agai bebanding semester ke udah, semua utai nya bepun enggau pengerindu ti datai ari Tuhan. Aku deka nyerita ka senentang rumate aku, ba semester 1 aku berumate enggau siku cina ari Johor tang iya bedau nyadi orang percaya, agi aku ingat maya nya lebuh iya sakit aku ngibun iya maya nya, ari semester 2-3 aku berumate enggau Abel, sigi bakih aku dalam pengarap enggau politik mega, tang ba smester enggau 4-5 aku berumate enggau kitai Iban empu. Pengidup duai kami rumate sigi nadai entu bida, Iya IBAN, Major sama sejarah, minor sama Politik, sama minat Liverpool, sembiang sama, sama ari Sarawak, tenaka naka iya meh kami duai begulai sejalai dimenua orang. Aku tok tadi bisi mai berau ari menua, kekadang nyumai mega kami duai. Ba bilik kami duai sigi amat ngasai ka diberkat ka amai, ke lebih agai ba numbur bilik 119, ambik ke banding dalam bup kudus ba Masmor 119 nya bab ti paling panjai enggau ajar iya endang manah bendar kelebih agi iya balat nekan ka ajar pasal belajar ka bup kudus. Ba semester aku enggau rumate aku mega balat berubah ba senentang belajar ka jaku Tuhan, taja kami duai selalu tinduk laun tang sebedau tinduk kami duai ngambi awak besampi enggau maca bup kudus. Aku selalu bekunsi ka kami duai. Ba awak ti mayuh pengawa, tang pengerindu ka Tuhan sigi enda dilengka. Aku bisi sekali ninga pasla iya bersaksi ka pasal labuh iya enggau aku besampi minta pemujur, lalau semua kerja kami duai nyadi mudah magang. Nya meh cerita pasal rumate aku enggau aku, kami duai selalu main futsal sama. Semua pengawa sama magang. Terima Kasih laban aku diberika siku rumate ti endang sekepala.

           Ba senentang politik mega, aku bisi endar pemansang ke lebih agi mayuh bendar utai udah dikerja aku kena nulung ba nembiak kelebih agi ba kampus aku. Aku bisi nulong siku nembiak OKU ari Sarawak ba sekual Ilmu Kemanusian dia aku nulong iya, ngiga orang ti deka nyanggup nganjung iya ke sekula enggau macha bup ngagai iya. siti pemujur ba pengawa politik aku baq sekula aku. Ba pasal exco international aku mega , kertas kerja aku ngagai Filipina gagal laban isu keselamatan. Kebukai enda entu mayuh cerita aku pasal politik kampus. Ari nya aku bisi enggau Dewan Perundingan Pelajar ti kempat kali aku enggau sekumbang ari mock dulu. Tang sekali tok, nadai entu manah laban pemayuh orang dia sigi ari sida Aspirasi magang nyadi suara orang ti mnioriti enda entu didinga lalu undi endang siri tetap ba sida iya. engka umbas aku nusi pasal politik tok.

            Ba pengawa sekual mega aku, aku balat ngasai ka diberatka Tuhan, kelebih agi ba tesis aku dalam ngiga tajuk enggau ngadu ka proposal. Tang maya ba ke nadai idea tang bisi ga idea. Bala pensyarah balat muji propasal aku manah. lebuh pagi nya aku deka membentang, tang orang ti dulu ari aku enda datai. Aku ti numbur dua nyadi numbur satu dikangau ka orang. Aku datai tumu mya nya ari orang bukai lalu aku nyambut penatai pensyarah lalu sida balat ngasai ka ditegu meda ulah aku mya nya. Ba minor aku mega aku rindu bendar dia aku enggau bala kaban aku ngadu kajian lapang ngagai upis menteri pemadah, kami diteriam enggau basa enggau tuchum.

           Ari cherita ka di atas pasal pengidup aku ba kampus,politik enggau pelajar. Diatu aku deka becherita senentang pasal main futsal. Ba semester tok, nyau ka tiap minggu kami bemain futsal. UBAH FC bisi mega nganjung diri belaban, ba team laki mina main dalam kumpulan aja, alalu iya ke indu bulih juara. Ba futsal tiap minggu kami selalu bemain ba Bukti Jambul, sigi bala Iban, Cina enggau Sabah kami bemain. aku rindu bendar ngumpul ba nembiak Iban bemain. Aku meri pujilah ngagai sida laban endang sigi chukup landik bemain. Alah menang nya endang sigi adat bemain. Tang pengerindu bemain enggau bala kaban nya ke sigi rindu. Munyi ko orang play for fun!!!

         Ok meh tok cherita ka penudi ari aku, pasal pengerindu, ba semester tok mega agi single nadai pangan. Mina kaban aja mayuh tang nadai bisi siku indu sudi ka nyadi pangan. Taja aku baka ke nganti orang siku, tang nama meh guna nganti orang ke enggau ka kitai. Sigi tusah kan...kapa meh nganti sungai ti nadai ulu hahahhahahhaha. Ok Meh ila meh ti aku dah kerja..mayuh ge orang kelala....bah mals aku ka jiwnag sem tok, aku mayuh spent time enggau bala bakih aku enggau main futsal aja. Nadai ari ka berunding ka orang indu. Meda muvi nyamai agi kediri-diri hahahhahahah...tang bisi ga aku enggau gurl misi bejalai he he..

Kira naka tok dulu meh cerita kitai wai, nganti minggu study week tok ar...23 januari tok ila pualai ka Sarawak!!YES!!