Selamat Ngintu Hari Gawai 2014

Nuju Bala Menyadi Semua,

Enggau bas ati besai, Aku blogger Meruanku Ngenang, deka meri jaku basa enggau tabi ngagai bala ti udah nyadi raban ba dalam blog aku tok enggau ngagai semua orang ti ngelala.

Jaku basa enggau tabi hari Gawai baka ke tahun tok dikena aku meri pengaga ati enggau gauk ka semua kita menyadi. Aku deka ngenang semua basa enggau pemanah semua bala kaban belayan ka enggau aku begulai dalam dunia tok. Pia mega enda lama agi aku deka nyambut ari pengada aku ke 25 tahun baka ke taun tok .

Nyau enda berasai bulan beganti, mataari padam, lalu bertukar siang nyadi malam, malam nyadi siang, umai kitai udah mansau, udah ga diketau. Dalam bulan 6 tok, kitai belelak ka ngintu pengaga tegal pemujur udah bulih padi enggau rejeki.

Aku balat meri puji ngagai Tuhan laban balat mujur ka pengidup aku. Taun tok aku deka ngintu Gawai enggau pemisi aku empu lalu merkat ka ruang bilik aku enggau pemujur ka udah diberi Tuhan. Aku berasai gaga meda apai indai aku gaga meda pemujur aku nyadi siku anak ti ulih meri sereta mantu seduai.

Pia mega ngagai bala  kaban aku ka sama sekula suba, kaban sama gerija, kaban sama enggau gawa, ex kaban ka enggau gawa.

Meri Selamat Hari Gawai 2014