Pengudah ngajar jaku Tuhan ba 26 Ogos 2012 nya, aku bisi besampai ka sida ba gerija nya minta Tuhan meri sida pengerai, ngagai sida ka nembiak minta Tuhan merkat ka sekula sida pia mega ngagai sida ka ba rumah panjai minta Tuhan merkat ka kebun enggau umai sida. Aku balat meri puji ka Tuhan laban minggu ke dua aku kia baru 2 September 2012. Dua iko jemaat meri respon ka manah, siku indai tuai orang udah sakit ba perut iya 7 tahun di gerai ka Tuhan pengudah iya datai ninga jaku Tuhan ba minggu ka udah sereta arap dalam leka sampi. Pia mega siko ari apai tuai orang dia mega madah ka Tuhan merkat ka ai getah iya mayuh agi ari ke udah pengudah iya ninga jaku Tuhan ba minggu ke udah. Dua kali aku bekunsi tok, pemayuh jemaat bisi 40 iko. Tok keterubah aku ngajar jaku Tuhan ba pemayuh orang baka tok.
Dalam 30 Ogos tok tadi, aku enggau bala kaban aku ka sama mela bisi bejalai sembiang ngagai menua Nanga Kumpang Engkelili. kami maya nya bisi besembiang ka siku ari raban gerija ka mujur nampung sekula iya ke universiti. Aku meri puji ka Tuhan laban bsisi kesaksian ti manah udah nyadi ba endurnya laban suba bisi siku indai tuai orang ti bajong enda ulih angkat udah gerai tau bejalai diatu tegal ari sampi enggau iman bala menyadi sama enggau aku mela. Puji Tuhan laban nya siti pengawa Tuhan ti luar biasa.
Ba 31 Ogos tok kemarik, mega aku enggau indai aku bisi bejalai ngagai siti kebaktian orang ti nemu begenera enggau besampi ka orang ti sakit. Dalam genera siko orang nya ngagai aku, dia iya madahka "great thing will be happen". Aku meri puji ka Tuhan ba senentang nya. Tuhan chukup besai lalu enda berubah. Ba maya nya terubah aku mai puji sembah enggau live band.
Ba 2 September tok tadi aku bisi bekunsi ka Jako Tuhan ari Pemungkal 12:1-2 ia nya pasal Sempekat Semaya Allah Taala.
Tiada ulasan:
Catat Ulasan