Deklarasi Gempuru Besai 2013 Di Kuching

Deklarasi Gempuru Besai 2013 Di Kuching
Kami arap endang tuju Allah Taala ti pemadu bekuasa ke bansa Iban nyadi ka pun raban bansa di Sarawak (Kereja Rasul 17:26). Kami ngaku endang batang tuju Allah Taala ke bansa Iban nemu Iya sereta arap ka Iya (Kereja Rasul 17:27) lalu ngisi tuju ti nyemetak ti udah diungkup Iya ke kitai.
Timpoh pengelama 122 taun diperintah Brooke enggau British (endang tebal bendar belalau ka prinsip Kristian ti bisi dipandang ba "Semilan bengkah prinsip Kardinal ti dititih ka Rajah orang orang Enlish" endang nyadi sebagi ari Perlembangaan baru menoa Sarawak taun 1941 lalu nangkan ka nya disengkaum dalam Atur Perintah Jadual terubah ngagai menoa Sarawak (Perlembagaan) Atur dalam-kounsil taun 1956 ari baruh kuasa Perintah Bristish.) ti meransang ngerembai ka pengarap Kristian di ba bansa kami diserata menoa Sarawak. Mayuh ari bansa kitai udah arap ka Allah Taala. Bansa Iban ti diatu ti bulih 52.6% (itung tubuh taun 2010) lalu pemayuh orang Kristian di menoa tu terang bendar ngayan ka orang Kristian di menoa tu amat ngisi tuju Allah Taala kenyau ari pengarap Kristian udah sangkai di menoa tu dalam taun 1847.
Leboh penemu ti deka numbuh ka serakup Malaysia dilanggur dalam taun 1961, dia aki-ini kitai terubah iya mansut ka pengirau ati diri senentang sekeda pekara bekaul enggau pendiau raban bansa kitai ari baruh kuasa perintah Malaysia, lalu tu nyengkaum bebas dalam jalai pengarap.
Pengujung runding ti deka nyukung penumbuh serakup Malaysia ulih bansa kitai endang digaga bepelasar ka “pekara ti dipesetuju deka dilindung sereta dijaga‟ tauka ‟18-pekara ti disemaya‟ nitih ti dipinta rayat Sarawak ti bisi dipasuk dalam sempekat Malaysia enggau ba Perlembagaan Persekutuan.
Kami ngaku sempekat Malaysia ti ngada ka menoa kitai endang siti semaya ti bisi mai reti dalam roh We acknowledge that the Malaysia ti udah dibai Allah Taala entara serakup Malaya, Singapore, Borneo Utara (diatu Sabah), enggau Sarawak. Kami arap ka pekara ti istimewa ti patut dilindung sereta dijaga endang siti peluang ti diberi Tuhan ngagai bansa kami awak ka kami mengkang ulih mansang dalam menoa tu nyadi nembiak Iya ti mengkang bisi kaul dalam roh. Nya alai tegal nya, kitai, ti nyadi ka pengari Iya, udah diberi tanggung-pengawa nentu ka sempekat tu enggau hak tu mengkang dijaga sereta dipebasa ka.
Kami arap, sekeda ari pekara ti disemaya deka dijaga iya nya “kebebasan ti sepenuh iya dalam jalai pengarap” ti alai bansa kitai ti diau dalam Bagi Kedua enggau menoa Bagi Ketiga – endur ti alai 75% ari bansa kitai - minta dalam taun 1962 (ti bisi dikenatai ngagai Cobbold Commission of Inquiry) nya endang siti peluang ti diberi Allah Taala ngagai bansa kitai awak ka „…ngiga Allah Taala, lalu dijangka ka deka ngasoh kami ngiga sereta tetemu ka Tuhan….‟ (Kereja Rasul 17:27) nyentok ka generasil dudi ila. Nya alai tegal nya, kitai mesti bebasa ka pengawa enggau semaya Allah Taala tu; enggau semua pengawa patut dikereja dikena nentu ka pekara tu mengkang enda berubah belama sereta ngamat ka juluk asal iya enggau sepenuh iya.

Kami, Kristian orang ti bansa Iban di menoa tu, kena 14hb Dua-belas 2013, „mengistihar‟ ka….
1. Allah Taala endang amat udah meri bansa Iban di menoa Sarawak siti destini ti unik di dalam Perintah Iya sereta kami mutus ati deka mengkang chakah ngiga sereta ngulih ka juluk ati tu.

2. Lalu kami deka ngangkat ka generasi Ketuai raban Kristian ti kering ti nyengala sanggup nyaup iring ketuai gereja menoa Malaysia.

3. Lalu kami tetap deka mengkang taluk ngagai Allah Taala dalam pengawa ti naka ngemujur ka juluk tu, ke generasi ti dudi hari ila, ngulih ka „kebebasan‟ jalai pengarap (bebas milih pengarap nitih ka pilih ati diri, ngereja pengawa nitih ka pengarap diri sereta ulih ngerembai ka sebarang bansa pengarap enggau nadai ti nadai disekat) ti udah diulih ka sida aki-ini kitai kelia enggau bebendar diungkup ka kitai mengkang dikembuan belama leboh dalam serakup Malaysia.

4. Lalu kitai tetap deka mengkang ngetan ka penyerakup entara raban bansa Iban pia mega enggau bansa bukai mega di menoa Sarawak.

5. Lalu kitai deka nyendia ka orang Kristian bansa Iban, sama begulai enggau raban bansa bukai di menoa tu, pengangkat pengawa Allah Taala ti deka nyadi nangkan ka tu, enggau „transformasi‟ ba negeri enggau seluruh menoa tu.


Sumber : Gempuru Besai