OGOS,SIBU- Keterubah aku meri besai terima kasih ngagai Tuhan laban udah muka jalai aku enggau Borneo HopeConvention di Kingwood Hotel empai lama tok kemarik. Ba Convention tok kami ari Hope Sri Aman mujur ngulih ka 1st dalam The Best Booth of Mission, dia kami sebuat meri info senentang bakani pengawa mision nyadi ba menua kami di Lubuk Antu, Engkelili, Skim Skrang enggau Pelasok ya kedipegai Hope Sri Aman.
Dalam Futsal mega bala kami Hope Sri Aman dua iko G.M enggau aku mujur mega ngulih ka no. 2 dalam futsal bisi 4 goal ari aku and 3 goal ari G.M dalam 3 games.
Nya lansa berita kena ngepun ka randau. Dalam Convention tok tadi mayuh endar madah ka bakani ngetau ba umai Tuhan retinya bakani kitai mela sereta nginjil orang ka bedau ngelala Tuhan. Jesus empu siku orang ti besampi, nusi injil sereta ngelatih murid. 3 key point tok meh ka batang bakani pengawa ngetau ba umai Tuhan tok ulih mujur, munyi ka dikunsi ka Pastor Larry ka datai ari Amerika.
Siti utai ka balat dipelajar aku iya senentang THEOLOGY Kepenggunaan, Kemakmuran,Sosial. Nya antara thelogy jalai ka salah. kediatu ka temu aku theology Perjanjian manah dikena laban ngemeratka jalai ti dikedeka Tuhan.
Dalam Convention tok bisi lagu Iban ka dibai raban bala Sada Pengadang mega chukup diterima lalu nyadi popular amat ngujungka bisi orang ari Taiwan orang ari menua orang putih rindu bendar ninga lagu sida. Sampai ka sida minta lagu sereta lagu baka Nuan enda Ninggal Ka Aku, Ketau Bansa Ku etb..bisi endar didinga ba ensung sepika ba maya convention tok. Tok meh keterubah lagu Iban ti dikena muji Tuhan balat dikelagu sereta diterima bala etnik bukai. CD lagu sida udah kelaur ba pasaran diatu.
.............................................................................................................................................................
Chukup pengaga ati meda semua raban etnik di borneo ditu gagit muji Tuhan. (nama kebuah aku ngena nama etnik? ukai bangsa?) Baka tu iya, Bangsa tauka Race @ Nation nya nitih konsep kenegaraan ka dipun ka Amerika ti dikumbai orang Negara Bangsa. Aku enda setuju enti orang nyebut bangsa Iban bangsa Melayu bangsa Cina, salahnya ari tatabahasa. Laban bagi aku enti kitai ba Malaysia keliebih agi deka meda semua etnik tok pulai ngagai Tuhan indah jaku kitai menseti nyemetak. Kebendar kitai tok Bangsa Malaysia, Satu Malaysia nya landasan kitai ka nyadi bangsa negara kitai tang pia, kitai enda muai banga budaya enggau bangsa keturunan. Ambi ka banding aku bangsa keturunan Iban lalu bangsa budaya aku endang Iban. Sema aku diiru bangsa budaya cina, budaya aku cina tang bangsa keturunan aku iban. Nya kebuah aku enda setuju enti ngena nama bangsa laban enda entu ngam. Bangsa nya manah agi diberi ba siti leka jaku Bangsa Negara @ Nation. Laban ba runding aku double standrad bisi nyadi lebih ge ba masyarakat majmuk. Nya kebuah manah ge ngena leka jaku Etnik..Etnik Dayak, Sub Etnik - Iban. Ukai Bangsa Cina tang Etnik Tiong Hua, Sub Etnik - Hokkien, Foochow etc. Enti Kaum mega salah, laban nya ngagai Kaum Lelaki, Kaum wanita, Kaum Muda, Kaum Tua. Nya tatabahasa ti betul, lebih agi kena dalam sampi. Aku ngasai ka isu perkauman balat amat nyadi lebuh perkataan bangsa dikena, nya kebuah manah ge nyebut SAYA ANAK BANGSA MALAYSIA. Baru ati kitai ngetau legi enda bepiching meda pangan, tang anang enda ngintu mega etnik kitai empu. Mina bekunsi awak ka leka kena sampi tauka leka lagu kitai ubah ge NATION or People of Malaysia. ( semina bekunsi)
...........................................................................................................................................................
Aku mega deka bekunsi pasal bulan ngetau n nugal dalam Iban ( benung ngiga). Dalam adat enggau pengarpa Iban kelia, lebuh maya ka nugal tauka ngetau Petara ka selalu dikangau iya Sempulang Gana. Sebedau ngepun ka pengawa beumai kiati Iban enda meri piring kena bebesa ka petara. Kitai Iban kelia mega nadai bumai ba paya semina bumai bukit. Tuju aku nulis tok sebenar iya deka mai kitai Iban belematika bakani cara Iban nugal enggau Ngetau. Laban lebuh nuan meda Bup Kudus, mayuh ka dia chara sida bansa Samaria. Lebuh Jesus ka ngajar pasal sempana ngetau nya, maya nya orang Samaria benung ngetau. Pia mega ba jaku maya nabur benih nya, cara sida orang Isreal. Sempana nya peda iya ari cahara orang Isreal. Tang baka kitai Iban empu kiati bisi cahara ngetau enggau nugal, lalu musim kitai bumai, bisi kediri empu laban tiap bulan nya bisi batang pengawa, munyi ko pantun dungging ketau dinga kita taip pagi, bulan 4-5 dikumbai orang bulan ngetau. Kitai iban bisi kalender kediri empu. Lalu Dunging nya polopor.
............................................................................................................................................................
Kitai Iban bisi ngembuan tesa bulan genap setaun kitai empu. Tu mih jalai kitai Iban kelia ngelai ka maya ti patut alai ngepunka pengawa bumai baka nebas, maya nunu, maya ngetau enggau pengawa umai ti bukai. Bulan kitai Iban dudi sebulan ari tesa bulan Perintah, Bulan 1 kitai Iban, bulan 12 bulan perintah. Ba baruh tu dirintaika aku ripih tesa sereta nama siti-siti bulan Iban ari bulan 1 ngagai bulan 12, disempulangka mega enggau pengawa asal kitai Iban kelia ti bepanduka iya. (Aku bepun ari bulan 5 bulan Iban, tauka bulan April bulan perintah laban bulan tu mih maya kitai Iban kelia ngepun ka pengawa bumai taun).
Bulan Turun Panggul (Bulan Lima Bulan Iban)
- Bulan April Bulan Perintah
- Bulan maya Iban manggulka umai
Bulan Sandih Tundan (Bulan Nam Bulan Iban)
- Bulan May Bulan Perintah
- Bulan maya Iban nebang kayu rimba, kayu besai, kayu kampung
Bulan Tujuh (Bulan Tujuh Bulan Iban)
- Bulan June Bulan Perintah
Bulan Belanggang Reban (Bulan Lapan Bulan Iban)
- Bulan July Bulan Perintah
- Bulan maya Iban ngerangkaika reban umai bukit
Bulan Kelebun (Bulan Sembilan Bulan Iban)
- Bulan August Bulan Perintah
- Bulan maya Iban nunu enggau berengkah nugal umai bukit
Bulan Labuh Benih (BulanSepuluh Bulan Iban)
- Bulan Deptember Bulan Perintah
- Bulan maya Iban nugal pagi bukit
Bulan Gantung Senduk (Bulan Sebelas Bulan Iban)
- Bulan October Bulan Perintah
- Bulan maya Iban bagas abis padi/beras
Bulan Chechanguk (Bulan Dua Belas Bulan Iban)
- Bulan November Bulan Perintah
- Bulan maya Iban badu mantun umai bukit
Bulan Pangka Di Labu (Bulan Satu Bulan Iban)
- Bulan December Bulan Perintah
- Bulan maya padi bukit baru tuai buah
Bulan Empalai Rubai (Bulan Dua Bulan Iban)
- Bulan January Bulan Perintah
Bulan Emperaga / Bulan Empikap (Bulan Tiga Bulan Iban)
- Bulan February Bulan Perintah
- Maya Iban ngetau padi bukit
Bulan Lelang (Bulan Empat Bulan Iban)
Sumber : http://ibanpedia.wordpress.com/tag/bulan-iban/
- Bulan March Bulan Perintah
- Bulan maya Iban lepa ari pengawa bumai, nya alai kitai Iban kelia nguna awak tu alai begiga, pegi tauka ngayau.
Ketadi nya maya bulan dalam Iban tauka lebih silik agi bakani kitai Iban ngintu umai , bulan kelebun tauka September maya kitai nugal tauka nabur benih, lalu maya bulan febuari iya nya bulan ngetau padi bukti. Iban mayuh penemu ba nanam padi bukti lalu jarai endar betanam ba padi paya.
Aram bakani kitai berati ka ajar theology enggau adat asal kitai iban dalam nugal enggau ngetau. Kitai Iban bisi maya kediri empu, lalu mega tiap bulan nya kitai ngetau ( ba pengidup semengat ko aku) bisi ga maya kitai begantung senduk. Lebuh kitai berati ka utai senentang adat nitih ka kalender Iban baka tok kitai deka nemu bakani falasah Iban senentang idea nabur,nugal enggau ngetau. Nya kebuah enti deka ngetau Iban dalam pengarap kena nemu nama pengasai ati sida ari segi budaya enggau jaku asal ngetau enggau nugal nya datai ari ne.
.............................................................................................................................................................
Perengka Nugal Umai - Tugal, Benih
Perengka Nugal Semengat - Saksi Pengidup, Sampi, Nginjil,Jaku Tuhan
Perengka Ngetau Umai - Ketam, Sintok
Perengka Ngetau Semengat - Jaku Tuhan,Saksi Pengidup,Sampi, Ngelatih
Ba runding aku, naka kediatu ba peringakat pengidup semengat bala Iban bedau sedia deka ngetau, iya ka udah diketau pun naka kemimit aja ulih, mayuh bala orang ka beumai enda manah tauka bedau chukup mujur dalam nabur benih, kelebihan agi ba senentang tugal saksi pengidup. Lalu diatu ari bansa kitai iban empu agi kurang mega bejalai ka pengawa nginjil. Ba sampi enggau JakuTuhan nya engka udah mayuh ditabur tang empai chukup agi. Nya kebuah ba runding aku aku meda mayuh endar benih ka ditabur enda diketau laban agi kurang rengka ka kena nugal.
Puji Tuhan ka benih ka manah lalu mujur diketau, tang semina segantang aja ka pulai ari seguni. nya kebuah dalam ngetau pengidup semengat tok kitai beguna ka orang ti kering ba Jaku Tuhan, Saksi Pengidup, leka sampi enggau pengawa nempa tauka ngelatih pekerja ti baru. Baru umai kitai enda tebasau.
Kira naka tu dulu aku meri leka kunsi.
